Welkom by Christine van Wyk-Toere

CHRISTINE VAN WYK-TOERE is 'n familie-onderneming wat baie waarde heg aan hoëkwaliteit diens.  Met meer as 30 jaar se ervaring in díe veld, het Christine se Toere vir die Fynproewer al 'n huishoudelike naam geword by elke Suid-Afrikaner wat belangstel in buitelandse gehaltetoere.  Gespesialiseerde toere word jaarliks na die buiteland onderneem. Tevrede toerlede maak graag by herhaling van ons reise mee. Christine van Wyk-Toere bied aan duisende Suid-Afrikaners die geleentheid om die unieke verskeidenheid van verskillende lande op 'n besondere manier te ervaar. Toerlede kan heerlik in die bekwame hande van die maatskappy se ervare en toegewyde toerleiers ontspan en met uitstekende waarde vir geld, elke reis ten volle geniet. Christine van Wyk-Toere het in 2010 sowat 750 Suid-Afrikaners oorsee geneem om van die mooiste plekke in Europa en Rusland te sien. Een van talle hoogtepunte was 'n besoek aan Oberammergau vir die bywoning van die Passiespel, 'n indrukwekkende aanbieding van die lewe en dood van Christus.     In 2011 het ons byna 500 Suid-Afrikaners oorsee geneem.  Byna die helfte van hulle het die voorreg gehad om die internasionaal bekende Andre Rieu in sy tuisstad, Maastricht, te sien optree. Dit was 'n onvergeetlike belewenis!  So ook was 'n besoek aan die Chelsea-blommeskou in Londen.   Baie dankie aan elkeen wat op een of meer van ons toere saamgegaan het.  Dit was vir ons 'n voorreg om u te ontmoet en oorsee te neem.  Ons vertrou dat u in die toekoms weer saam met ons sal reis.   Toergroete   Franita Botha Besturende direkteur Christine van Wyk-Toere